Тренерот на Бенфика „удри“ по Челзи: Тоа што го прават е бесрамно

Тренерот на Бенфика, Роџер Шмит ги обвини Челзи дека се однесувале „бесрамно и без почит“ во обидот да го ангажираат Енцо Фернандез.

Премиерлигашот веднаш ги договори условите со Енцо, но преговорите со Бенфика не завршија добро бидејќи Челзи бараше сумата од 120 милиони евра да ја плати на рати.

„Има клуб кој го сака нашиот играч, знаат дека не сакаме да преговараме и дека мора да ја платат откупната клаузула. Тоа што го прави тој клуб е бесрамно и покажува недостаток на почит кон сите нас, кон Бенфика и кон фудбалерот. Прво да го полудите фудбалерот со тврдења дека ќе ја платите клаузулата, тоа е нешто што не можам да го разберам. Нема повеќе да зборуваме за тоа“, изјави Шмит.