Традицијата вели: Интер веќе е финалист во ЛШ!

Интер во првиот натпревар од полуфиналето во Лигата на шампионите го победи градскиот ривал Милан со 2:0 и си создаде одлична предност пред реваншот.

Ако се водиме по традицијата Интер е веќе во финалето. Имено, традицијата вели дека кога некој ќе победи 2:0 во првиот натпревар во 90% од случаите стигнувал до конечен успех.

Исто така, Милан никогаш не успеа да се врати по пораз од 2:0 на домашен терен. Во таква ситуација бил трипати и во сите три ситуации доживеал елиминација.

Од друга страна Интер трипат бил во ситуација да води со 2:0 по првиот натпревар и по сите три натпревари обезбедувал место во следната фаза.

Сепак, сме биле сведоци и како некогаш не одело се според традицијата, па да го почекаме вторник.