Томовски во ТОП 3 голмани на Мундијалот по одбранети пенали!

Maртин Томовски имаше одлични три натпревари за Македонија на Светското првенство во Египет.

Томовски иако беше во сенка на Никола Митревски, кога и да добиеше шанса ја користеше на најдобар можен начин. Дека работата си ја завршуваше одлично покажува и следниот податок – Томовски е во топ 3 голмани според одбранети пенали на овој Мундијал.

Против Шведска, Египет и Чиле Томовски одбрани четири од осум пенали и со 50% од успешноста се најде на одличното трето место. Пред Томовски се само Гонзалез од Уругвај (6 одбранети пенали) и Мароз од Белорусија (5 одбранети пенали).