Тијаго Мота ги налути навивачите на Јувентус со изјавата пред дербито

Екипата на Јувентус утре го игра дербито против Интер во Серија А, а пред овој натпревар тренерот Тијаго Мота даде изјава која веројатно нема да им се допадне на навивачите.

За Мота Интер и Наполи се први фаворити сезонава за Скудетото.

„Јасно е дека фаворити за Скудетото се Наполи и Интер, тие ги освојуваа и во последните две. Утре мораме да се фокусираме и не смееме да правиме грешки ако сакаме успех“, изјави Мота.

Против Штутгарт Јувентус го претрпе првиот пораз сезонава.

„Тоа е првиот пораз кој ни се случи оваа сезона. Дури и кога ќе победиме, продолжуваме понатаму. Немаме време да славиме и да размислуваме за победата. Минатото е минато. Штутгарт е зад нас, сега играме со Интер“, истакна тренерот на „старата дама“.