После натпреварот во кој актуелниот европски шампион Реал Мадрид го елиминираше Јувентус со пенал во 93 минута, најмалку за што се зборува е самиот натпревар.
Шпанците славеа со вкупни 4:3, a oгромна прашина во фудбалската јавност предизвика пеналот досуден во последниот напад на Реал.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Лукас Васкез после натпреварот тврдеше дека пеналот бил очигледен и дека Мехди Бенатија го соборил, додека дефанзивецот на Јувентус се бранеше дека не направил прекршок.
Џанлуиџи Буфон во веројатно неговиот последен натпревар во Лигата на шампионите заработи црвен картон поради жестоките протести, а Џорџо Киелини со гестикулација им покажа на „кралевите“ дека платиле за да поминат.
Следуваа бурни реакции на социјалните мрежи, а одлучи да им одговори младиот фудбалер на клубот од Мадрид, Тео Ернандез.
Тој на својот Твитер профил објави фотографија под која напиша.
„Шшш, напред Реал и ништо повеќе“, со што им порача на „бјанконерите“ да престанат да се жалат дека се оштетени.
Shhh?? “HALA MADRID Y NADA MÁS “⚪️⚪️ pic.twitter.com/gebsIdPf3X
— Theo Hernandez (@TheoHernandez) April 11, 2018
Учество во игри на среќа е дозволено за лица со 18+ години. Играј одговорно!