Струга ќе игра во плејофот од Конференциската лига!

Македонскиот шампион загуби со 2-1 на гостувањето кај Есперанж, но со вкупни 4-3 се пласира во плејофот за пласман во групната фаза од Конференциската лига.

Марјан Радески во 15-та минута доби црвен картон, Струга ТЛ остана со играч помалку, но стружани поведоа само две минути подоцна со голот на Ибраими.

Есперанж во второто полувреме тргна на сѐ или ништо и успеа да направи комплетен пресврт. Најпрво во 70-та минута Густаво израмни, а потоа домаќините поведоа со 2:1, но тоа не беше доволно, па Струга се пласира во плеј-офот.

За место во групната фаза од Конференциската лига Струга ќе игра двомеч со Бреидаблик од Исланд.

Фото: Струга Трим Лум