Стоилов: Ова првенство е чудно, жалам што не дојдовме подобро подготвени

Репрезентацијата на Македонија вчера го победи Чиле и со тоа се пласираше во следната фаза од Мундијалот во Египет.

Стојанче Стоилов е задоволен што се пласиравме во следната фаза, но и тој е свесен дека Македонија беше далеку од потребното ниво во претходните два натпревари.

„Првите два натпревари ги одигравме катастрофално, но задоволни сме што се пласиравме во следната фаза и што Македонија ќе биде дел од Мундијалот. Ова првенство е посебно, односно чудно. Не дојдовме подготвени како што треба, но од натпревар во натпревар ќе играме подобро. Имаме неколку искусни играчи во тимот, меѓутоа дури за седумина ова е прво големо натпреварување. Жалам само затоа што не дојдовме подобро подготовени“, изјави Стоилов.

North Macedonia's 🇲🇰 Stojance Stoilov, following their victory against Chile: "We played two catastrophic first games. It's a pleasure for us to be in the second round" 🙌 pic.twitter.com/gyZ7b0b5e3

— International Handball Federation (@ihf_info) January 18, 2021