Македонскиот репрезентативец Стојанче Стоилов поради повреда во сабота нема да настапи на контролниот натпревар против Русија.
Ракометарот на Вардар се пожалил на болки во ципите и најверојатно ќе мирува две до три седмици.
Учиме по најтешкиот пат: Со едукација за заштита и спасување до спречување на трагедии! ↓↓↓
Повредата на Стоилов е во исклучително неповолен момент и за Вардар, бидејќи „црвено-црните“ влегуваат во завршната фаза од одбраната на титулите во СЕХА лигата, а потоа и во Лигата на шампионите (ЛШ).
Тој засега е неизвесен за СЕХА Ф4 турнирот што ќе се одржи во Скопје следниот викенд, а потоа Врадар го чека двомечот со Кил во ЛШ за пласман на фајналфор турнирот во Келн.
Претходно беше соопштено дека и капитенот на македонската ракометна репрезентација Кирил Лазаров по барање на неговиот клуб Нант нема да настапи против Русија.
Саботниот натпревар е дел од подготовките пред мундијалскиот бараж со Романија за пласман на СП во Данска и Германија.
Учество во игри на среќа е дозволено за лица со 18+ години. Играј одговорно!