Со надеж за подобро: Македонија ја започна годината од 162 место!

Фудбалската репрезентација на Македонија од 162-то место на ФИФА листата ја започна 2017 година.

Во однос на претходното рангирање Македонија ги задржа бодовите, 142, од минатиот месец и позицијата, 162-ро место, најлошо во историјата на македонскиот фудбал.

Од противниците во квалификациите за пласман на СП во Русија, полош рејтинг има само Лихтенштајн (188), додека останатите четири селекции се пред Македонија: Израел (55), Албанија (51), Италија (16), Шпанија (10).

Промени на почетокот на годината нема ниту во првите пет најдобри репрезентации. На листата лидер е Аргентина пред Бразил, Германија, Чиле и Белгија.