Поранешниот напаѓач на Милан, Марко Симоне смета дека „росонерите“ би требало да го доведат Мауро Икарди кој многу веројатно нема да остане во ПСЖ, а е во втор план кај Антонио Конте.
Интер го позајми Икарди во ПСЖ и таму Аргентинецот игра сосема солидно (20 голови на 31 натпревар). Сепак и покрај тоа во медиумите деновиве и во Шпанија и во Италија се тврди дека тој нема да остане во Париз.
Данска vs. Македонија: Како тие се справуваат со отпадот, додека ние се расправаме кој е крив?
Марко Симоне смета дека Милан би требало да ја искористи шансата и да го доведе.
„Би го задржал Леао, има сила и талент. Ако на талентираниот секогаш му бараш мани, тогаш започнуваш од нула. На Милан ќе му недостасува напаѓач ако Ибрахимовиќ замина. Мислам дека Милик од Наполи добро би се снашол, а јас лично доколку би бил таму би се обидел да доведам некого од Кавани и Икарди. Мауро би можел да биде идеално засилување“.
Милан до прекинот на Серија А беше седми на табелата и постигна најмалку голови од сите екипи во горната половина на табелата.
Учество во игри на среќа е дозволено за лица со 18+ години. Играј одговорно!