Словенија пружи силен отпор, но Норвешка оди во полуфинале

Словенија одигра фантастична партија против фаворизираната Норвешка, но немаше сила за сензација и загуби 26:23.

Фаворитот долго се мачеше со Словенија која имаше огромна поддршка од публиката во „Стожице арена“, но на крајот сепак квалитетот дојде до израз.

Мечот беше израмнет од самиот почеток, а  на полувреме Норвешка замина со гол предност (16:15).

И во второто полувреме, се играше гол за гол. Во финишот до израз дојде искуството и квалитетот на Норвежанките, па во последните две минути ја решија средбата во своја корист.