Сити со тројната круна ќе заработи вртоглава сума

Манчестер Сити одигра историска сезона и синоќа со триумфот во Лигата на шампиони ги комплетира сите трофеи.

„Граѓаните“ освоија тројна круна откако претходно ја освоија Премиер лигата и ФА Купот, а тоа им донесе вистинско богатство.

Англиските медиуми пишуваат дека Манчестер Сити дека освоените три титули му донеселе на клубот заработка од неверојатни 330 милиони евра.

Титула во Премиер лигата на клубот му донесе околу 190 милиони евра, а дополнителни 4,5 милиони евра за освојување на ФА Купот.

Освојувањето на Лигата на шампионите носи околу 135 милиони евра, но и можност за зголемување на буџетот.  Сити ќе оди на Светското клупско првенство, каде наградата изнесува околу 58 милиони евра.