Maнчестер Јунајтед вчера го победи Тотенхем со 2:0, но најмногу после натпреварот се пишува за потегот на Роналдо кој предвреме го напушти натпреварот и замина во соблекувалната.
Роналдо од клупата за резерви си замина во 89. минута, откако му стана јасно дека нема да добие минутажа. Поради овој потег Роналдо денес е критикуван од повеќе големи имиња во светот на фудбалот.
Второ коло во ЛШ: Најголемото дерби се игра во Лондон! ↓↓↓
„Да бев јас тренер на Манчестер Јунајтед ќе го задавев. Неприфатливо е така да се однесува. Го почитувам за се што направи низ кариерата, но мораш да останеш до крај и да ги испочитуваш соиграчите кои одиграле добар натпревар и победиле“, коментираше Тим Шеруд.
Слично мислење има и Дени Милс.
„Апсолутно непочитување кон тимот тренерот и фановите. Водеа со 2:0, на што се жали? Ако тимот губеше ќе беше во право, вака апсолутно не е. Си мисли дека е поголем од клубот, тоа беше себично однесување. Не знам зошто тоа го направи кога многу добро знае дека со сите ќе се види во соблекувалната. Жал ми е за Тен Хаг и Јунајтед затоа што сега сите зборуваат за тоа што го направи, а не за одличната тимска игра“, изјави Милс.
Критикуваше и Дион Даблин…
„Шокантно однесување. Роналдо покажа дека не го почитува тренер. Бесен е. Јас го сакам Роналдо и неговата игра, но вакви скандали не смее да прави“.
Очигледно потегот на Роналдо го осудува најголем дел од јавноста, а Португалецот се уште не се огласил.
Учество во игри на среќа е дозволено за лица со 18+ години. Играј одговорно!