Се сеќавате ли кога последен пат ракометната репрезентација беше домаќин во Битола?

Maкедонската ракометна репрезентација утре ќе го отвори квалификацискиот циклус за Европското првенство во 2020 година.

Овој натпревар ќе има посебно значење во македонската ракометна историја, бидејќи за прв пат после 13 години противничка репрезентација ќе гостува во Битола.

Натпреварот помеѓу Македонија и Турција ќе се одигра во салата „Младост“ во Битола и се очекува трибините да бидат полни бидејќи влезници скоро и да нема.

Покрај Турција, Македонија оваа недела ќе одигра и натпревар против Грција и слободно може да се каже дека сме фаворити и во двете средби.

Македонија и Турција натпреварот ќе го одиграат утре со почеток во 20:15 часот.