Се огласи и Монтела: Тешко е да се напушти Милан, но вината е моја!

Винченцо Монтела денес и официјално беше сменет од кормилото на Милан после серијата на лоши резултати.

Милан во летниот преоден рок вложи 230 милиони евра во засилувања, но резултатите се под сите очекувања, па „Авиончето“ беше приземјено пред половина од сезоната.

Монтела јавно се огласи преку Инстаграм после отказот и призна дека вината е негова, го прифака отказот, но тешко му е да го напушти Милан.

„Да се напушти Милан ми паѓа многу тешко. Се обидов да дадам се за овој клуб, но ја прифаќам донесената одлука. Би сакал да им се заблагодарам на навивачите и играчите за убавите моменти кои ги поминавме заедно и се надевам дека Милан наскоро ќе биде на врвот, таму каде што припаѓа. Евидентно дека ве разочарав, но ќе продолжам да навивам за овие бои“, истакна Монтела.