Се е средено, Нејмар може да дебитира!

Иако беше најавуван поинаков развој на ситуацијата, каталонскиот гигант сепак попушти.

Потребната документација која Барселона не беше обврзана да ја издаде се до 18 август и поради која Нејмар не можеше да дебитира се додека УЕФА не ја добие споменатата документација, денес пристигна онаму каде што требаше.

Се е завршено, Нејмар ќе има право да настапи во следниот натпревар на ПСЖ од француското првенство, што значи дека Бразилецот ќе може да дебитира веќе против Гуигамп, натпревар кој се игра во недела.

Барселона на крај попушти и со тоа покажа дека се работи за голем клуб, па сега дебито на најскапиот фудбалер во историјата сите го очекуваме во недела во 21:00 часот.