Серија А поради Михајловиќ промени едно правило

Синиша Михајловиќ од средината на минатиот месец објави дека боледува од акутна леукемија, но и покрај тоа остана тренер на Болоња.

Оваа негова објава предизвика големо внимание во регионот, но и во Италија каде што важи за вистинска легенда.

Михајловиќ се труди од болничката постела да го води тимот. Разменува меилови со стручниот, штаб и играчите, ги следи сите тренинзи во живо преку интернет стрим и ги анализира податоците од натпреварите кои му ги испраќа аналитичарот Дејвид Ламберт.

Поради сето ова раководството на Серија А промени едно правило. Досега не беше дозволено еден тренер да биде во директна комуникација со човекот кој го заменува на клупата ако тој е отсустен.

Но, од почит кон Михајловиќ тоа правило е променето и сега гласи: Еден тренер не смее да комуницира со човекот кој го заменува ако е отсутен поради суспензија, во друг случај тоа е дозволено.