Семејно насилство!? – Нормални ли сте, Дибала даде гол!

Соседите пријавиле насилство, а на вратата веднаш им се појавила и полицијата….

Неверојатна ситуација и вест ни пристигнува од Италија. Голот на Паоло Дибала против Тотенхем во Лигата на шампионите предизвика вистински „земјотрес“ помеѓу навивачите на Јувентус во Италија, но и во светот.

Некои од нив дури и претераа со славјета и гласното прославување, па во една населба соседите повиквале полиција бидејќи сметале дека се работи за семејно насилство.

„Мојот сосед ја изгуби главата, брзо помагајте, ги тепа жената и детето“, гласел повикот до полицијата во Торино.

Секако, полицијата за краток период се појавија пред вратата каде што имало „семејно насилство“. Домаќиот секако бил зачуден и не знаел што се случува.

„Какво насилство дали сте нормални, Дибала постигна гол, славиме!“, одговорил навивачот на „старата дама“.