Сега станува јасно: Роналдо нема да се појави на доделувањето на „Златната топка“!

Кристиано Роналдо нема да се појави на церемонијата на доделувањето на „Златната топка“ која ќе ја додели „Франс Фудбал“ на 3-ти декември.

Италијанските медиуми утрово пренесуваат информација дека ѕвездата на Јувентус нема да се појави на доделувањето на наградата, а тоа е сосема јасен знак дека нема да биде прогласен за најдобар играч во светот за 2018 година.

Како што сега стојат работите во главна конкуренција остануваат имињата кои пред неколку дена ги објави „Л’Eкип“, а тоа се Килијан Мбапе, Рафаел Варан и Лука Модриќ. Вчера италијанскиот новинар Танкреди Палмери пренесе информација дека и Гризман би можел да стигне до престижното призаниние, но тоа е малку веројатно.

За главен фаворит важи Модриќ кој ги собра наградите за најдобар од ФИФА и УЕФА.

Кој и да ја освои станува јасно дека ќе биде прекината десетгодишната доминација на Кристиано Роналдо и Лионел Меси. Ќе потсетиме, Роналдо и Меси имаат освоено по пет „Златни топки“.