Саса доживеа дебакл во Торино и прими 12 гола

Македонскиот првак во женски фудбал Каменица Саса денеска го одигра првиот натпревар на квалификацискиот турнир во Лигата на шампиони и загуби од Јувентус со 12-0 во Торино.

Разликата во квалитет беше јасна, но таа особено дојде на израз на теренот, па Јувентус имаше само еден полесен тренинг.

Уште на полувремето „старата дама“ имаше предност од 4:0, а во вториот дел му се случи дебакл на македонскиот шампион за конечни 12:0.

Во следниот меч нашата екипа ќе ги одмери силите со поразениот од пресметката Ст. Полтен  и Бешикташ .