Челзи вчера во рамките на 6. коло одигра 0:0 со Вест Хем на гости и така малку го расипа фантастичниот старт во новата сезона.
Екипата на Маурицио Сари има ист старт како и Сити, пет победи и едно реми и сега Ливерпул е единствената екипа со максимални 18 бода од првите шест кола.
Шанса да станеш YouTuber! Приклучи се! ↓↓↓
Италијанскиот тренер по ремито се пожали на составот во Англија кој не им дозволува на клубовите кои во четврток имале европски натпревар да играат во понеделник. Потсетуваме, Челзи во четвртокот гостуваше во Солун против ПАОК во Лигата на Европа, во Лондон се врати во петокот и имаше само сабота за да се опорави.
„Не ми е јасно зошто не ни даваат да играме во понеделник. Во Италија тоа е најнормална работа. Јасно ми е дека тоа е невозможно пред крајот на сезоната, во април или мај, но сега не гледам никаква причина“, изјави Сари по натпреварот.