Реал и Манчестер Јунајтед го сакаат Канте

Англиските медиуми пренесуваат дека Нголо Канте  на лето би можел да го напушти Челзи.

Раководството на Челзи планира големи промени на тимот во текот на летниот преоден рок, а клубот може да го напушти и миленикот на навивачите.

31-годишниот Канте на лето ќе влезе во последната година од договорот и „сините“ веруваат дека сега е идеално време за негова продажба.

Во моментов во Челзи се е „блокирано“ и се чека новиот сопственик да го преземе работењето со клубот, но медиумите тврдат дека на лето ќе има големи промени.

Интерес за Канте покажуваат Реал Мадрид и Манчестер Јунајтед, кои внимателно ја следат ситуацијата.