Рагник состави листа: Милан работи на 5 засилувања

Раководството на Милан веќе разботи за засилување на тимот за новата сезона, а веќе е јасно дека „росонерите“ ќе добијат и нов тренер.

Германскиот стратег Ралф Рагник треба да седне на кормилото на Милан и веќе составил листа од пет засилувања за следната сезона.

„Спортмедиасет“ пренесува дека Милан сака да донесе еден централен дефанзивец, десен бек, двајца играчи за врска и еден напаѓач, а веќе ги откри и имињата.

Прва желба во одбраната е Никола Миленковиќ од Фиорентина. Србинот се етаблираше во еден од најдобрите дефанзивци во Серија А, а неговата цена во моментов изнесува 30 милиони евра.

„Росонерите“ се во преговори со неговиот агент Фали Рамадани, кој е агент и на Лука Јовиќ, кој е на излезна врата од Реал Мадрид и би требало да биде засилување за нападот.

Во средниот ред најголема желба на Рагник е играчот на Салцбург, Доминик Собоцлај чија цена изнесува околу 20 милиони евра. Преговорите се во напредна фаза и за младата ѕвезда на Бенфика, Флорентино Луис.

Што се однесува до десната бековска позиција „росонерите“ веќе работат на трансферот на Думфрис од ПСВ чија цена изнесува 15 милиони евра.

? Mediaset: Two defenders, two midfielders and one striker on Rangnick's #ACMilan wish list – the nameshttps://t.co/0YdNg8wtH1 #SempreMilan

— SempreMilan (@SempreMilanCom) June 14, 2020