Пулишиќ бара разговор со Тухел, сака да си оди од Челзи

Кристиан Пулишиќ не е задоволен од ситуацијата во Челзи и од работата на тренерот Томас Тухел, пренесуваат медиумите на Островот.

23-годишниот офанзивен фудбалер не е стартер во тимот на Тухел и не е задоволен од својата улога во тимот.

Поради тоа побарал состанок со тренерот пред да донесе конечна одлука за својата иднина.

Англиските медиуми пренесуваат дека Пулишиќ најверојатно ќе побара трансфер и сака да ја промени средината ова лето.

Интерес за него покажуваат Баерн Минхен, Милан и Јувентус, а неговиот договор со Челзи истекува во 2024 година.

Сепак, медиумите тврдат дека голема е веројатноста Пулишиќ ова лето да го напушти Челзи, а неговата вредност во моментов се проценува на 45 милиони евра.