ПСЖ со последен обид да го продолжи договорот со Мбапе

Пари Сент Жермен не се откажува од намерата да го продолжи договорот со најголемета ѕвезда во тимот, Килијан Мбапе.

На почетокот на летото Мбапе ги извести челниците на ПСЖ дека нема намера да го продолжува договорот и има намера да си замине како слободен агент во јуни 2024 година.

Ова предизвика револт кај ПСЖ кој го исфрли од тимот и се надеваше дека Мбапе ќе стави потпис најамалку на едногодишен договор. ПСЖ се уште се надева дека ќе го убеди играчот некако да го обнови договорот, дури и да е само до 2025 година.

Понудата за продолжување на една година ќе му биде претставена на Мбапе веќе следната недела.

Доколку напаѓачот уште еднаш ги одбие овие услови, во тој случај „светците“ ќе бидат ставени пред свршен чин.