Пронајден медалот на Пиоли – крадците сами се открија!

Mилан за викендот го освои Скудетото, а по прославата на титулата тренерот на „росонерите“ Стефано Пиоли откри дека некој му го украл медалот.

„Росонерите“ Скудетото го освоија после 11 години, а по победата против Сасуоло на теренот влегоа голем број навивачи.

По прославата, тренерот Пиоли, откри дека некој тој цел хаос го искористил да му го украде медалот. Пиоли побара да му биде вратен медалот бидејќи тој му е единствениот.

„За време на прославата ми го украдоа медалот. Би бил благодарен доколку ми биде вратен затоа што тој ми е единствен“, гласеше изјавата на Пиоли.

Иако се мислеше дека шансите Пиоли да го добие истиот медал се мали, сепак поради глупоста која ја направија крадците тоа сега е реалност. Имено, тие се фотографираа со медалот, ја објавија фотографијата на социјалните мрежи, а притоа и го „означија“ официјалниот профил на Милан. Исто така по објавената фотографија еден од нив објавил и дека продава медал.

🔴 L’entraîneur de l’AC Milan, Stefano Pioli s’est fait volé sa médaille de champion d’Italie hier soir.

Les auteurs du vol ont fièrement posté cette photo sur Instagram, et l’on mit en vente sur internet. pic.twitter.com/RvzDJu7qsp

— BeFoot (@_BeFoot) May 23, 2022