„Провокациите на теренот се стилот на игра на Аргентина“

Поранешниот хрватски фудбалер Роберт Јарни пред полуфиналето вечерва изјави дека аргентинските играчи сакаат да провоцираат и да играат грубо и се надева дека хрватските фудбалери нема да „паднат во таа замка“.

„Она што можам да го кажам за Аргентина е дека сакаат да провоцираат. Ги провоцираат противничките играчи за да реагираат и да бидат исклучени.

Во нивната земја играа таков фудбал со многу груби удари, едноставно тоа е нивниот стил. Нашиот е различен, па се надевам дека нема да паднеме во нивната замка“, изјави Јарни за шпански „АС“, пренесе денеска Хина.

Хрватска и Аргентина вечерва на стадионот „Лусаил“ ќе го одиграат првото полуфинале на Светското првенство. Во второто полуфинале во среда се среќаваат Франција и Мароко.