Аргентина не победи, па Меси критикуваше: Теренот беше ужасен, топката застануваше!

Репрезентацијата на Аргентина одигра 1:1 против Венецуела во рамките од 9. коло од квалификациите за Мундијалот во 2026.

Меси имаше критики за соиграчите, но ги критикуваше и организаторите на средбата.

„Не успеавме да врземе две додавања во низа. Топката застануваше од водата на теренот. Тешко е да се игра во вакви услови“, изјави Меси.

Аргентина до водство дојде со голот на Николас Отаменди во 13. минута, а изедначи Саломон Рондон во 65. минута.

Сепак и покрај ремито Аргентинците останаа лидер на табелата со 19 бода, три повеќе од Колумбија која во ова коло претрпе пораз од Боливија.