Проблем во Звезда, Антиќ се повреди

„Црвено-белите“ не ќе можат да сметаат на нашиот кошаркар кој е еден од нивните најважни играчи за натпреварите против Реал и Морнар.

Перо Антиќ го повреди зглобот и поради тоа ќе мора да паузира најмалку две недели.

За тренерот на Звезда Душан Алимпијевиќ тоа значи дека со сигурност не ќе може да смета на неговите услуги за натпреварите против Реал Мадрид (петок 19:00) и натпреварот од АБА лигата против Морнар (понеделник 21:00).

Антиќ оваа сезона пропушти голем број натпревари поради повреда, па Звезда без искуството на нашиот кошаркар ќе мора да биде и во наредните две недели.

Во таборот на српскиот клуб се надеваат дека Антиќ ќе биде спремен за финалната серија од АБА лигата која стартува на 9 април.