Претседателот на Парма откри зошто овој клуб не го купил Балотели

Марио Балотели уште некое време ќе биде слободен играч.

Италијанецот во јануари оваа година пристигна од Ница во Марсеј како слободен играч и потпиша договор на шест месеци.

Тој после истекот на договорот одлучи да го напупушти овој клуб, а се поврзуваше со неколку клубови, помеѓу нив беше и Парма.

Според информациите на италијанските медиуми овој клуб понудил два милиони евра по сезона плус бонуси, но до договор не дошло.

Сега од клубот се огласија и дефинитивно потврдија дека 28 годишниот играч нема да потпише за „млекарите“.

„Се обидовме да го доведеме Балотели, но сфативме дека трошоците не се прифатливи за клуб како Парма. Тоа е разочарувачки затоа што навистина ни се допаѓа како играч, но преговорите не е можно да бидат продолжени“, изјави претседателот на Парма, Пиетро Пазароти.