Пресврт: Марсијал потпишува нов договор со Јунајтед

Иако долго време се шпекулираше дека Марсијал сака да го напушти Манчестер Јунајтед, самиот фудбалер призна дека е блиску до потпишување на нов договор со „црвените ѓаволи“.

Актуелниот договор на 22-годишниот играч истекува на крајот од сезоната, со можност за продолжување на една година, а од „Олд Трафорд“ се спремни да му понудат договор со неделна плата од 150.000 фунти.

Марсијал ова лето сакаше да го напушти Манчестер Јунајтед и во неколку наврати одби да стави потпис на нов договор, но сега дојде до пресврт и Французинот е спремен да остане на „Олд Трафорд“.

Марсијал започна како резерва оваа сезона во Премиер лигата, но во последно време дефинитивно ја пронајде својата форма, откако постигна гол против Њукасл и ги постигна двата гола при ремито со Челзи во последното коло.