Први информации за повредата на Ди Марија познато колку ќе паузира

Анхел Ди Марија не е сериозно повреден.

Аргентинецот во солзи го напушти теренот во првото полувреме од мечот со Макаби во Хаифа, а денеска стигнаа првите информации за неговата ситуација.

Според првите прогнози, Ди Марија ќе отсуствува околу три недели, што значи дека ќе биде подготвен за Светското првенство, но и дека Јуве нема да може да смета на него во клучните натпревари до паузата.

Ди Марија ќе го прескокне дербито со Торино, потоа тешкото гостување во Лисабон, кај екипата на Бенфика и дербито со Пари Сен Жермен во последното коло од Лигата на шампионите, како и дуелите со Емполи и Лече.

Во овој момент не може да се каже дали ќе биде спремен за дербито со Интер кое се игра на 6. ноември.