Поради бизарна грешка нема да бидат на стадион: Навивачи на Бенфика го промашија градот! (ФОТО)

Бенфика вечерва гостува во рамките од Лигата на Европа кај Ајнтрахт Франкфурт и брани предност од 4:2 од првиот натпревар.

Гостите во Германија би требало да имаат голема поддршка од своите навивачи од Лисабон, но двајца навивачи на овој клуб нема да стигнат да го гледаат овој натпревар.

Имено, двајца навивачи на Бенфика отпатувале во другиот Франкфурт место оној покрај реката Мајн, тие отпатувале во помалку познатиот Франкфурт кој се наоѓа во близина на реката одри.

Најголемиот проблем е што овие два града се одалечени дури 600 километри и изгледа нивното возење од Португалија ќе биде залудно.