Покетино: Заљубен сум во Кејн, мојата жена е љубоморна, а сигурно и неговата

Хари Кејн е незаменлив дел од тимот на Тотенхем.

Неверојатниот напаѓач на „петлите“ вчера против Апоел запиша хет-трик, а со тоа стигна до бројката 34 погодоци за Тотенхем во 30 натпревар во оваа календарска година.

Откако го немаше никаде во август, Кејн овој месец постигна веќе девет погодоци, од кои пет ги постигна на последните два натпревари. Покрај тоа неговиот хет-трик беше соврешен, еден гол постигна со лева, еден со десна и еден со глава.

Тренерот на клубот од Лондон, Маурисио Покетино, после натпреварот имаше само пофални зборови за англискиот напаѓач.

„Јас сум заљубен во него. Мојата жена е љубоморна, а и неговата сигурно. Неверојатен е. Што да се каже, не постојат многу играчи каков што е Кејн. Тој има убиствен инстикт што го прави еден од најдобрите во светот“, истакна тренерот на „петлите“.

Тотенхем после две кола во групата Х освои шест бодови како и Реал додека, Борусија и Апоел сеуште се без бодови.