Поделби во соблекувалната, мнозинството играчи не го сака Алегри

Претседателот на Јувентус, Андреа Ањели вчера изјави дека Масимилијано Алегри нема да добие отказ и покрај очајниот старт на сезоната.

Меѓутоа лошите резултати доведоа до лоша атмосфера во соблекувалната на Јувентус.

„Ла Република“, објави дека ситуацијата во соблекувалната на Јувентус воопшто не е добра, и дека играчите биле поделени кога е во прашање тренерот Масимилијано Алегри. Некои играчи го поддржуваат и му остануваат лојални, но мнозинството играчи не се задоволни од тренерот.

Мануел Локатели и Вестон Мекени го покажале своето незадоволство, но и Анхел Ди Марија и Леандро Паредес исто така не биле задоволни од тоа како Алегри го води тимот.

Новите засилувања Филип Костиќ и Бремер исто така не се задоволни, а Влаховиќ пак смета дека Алегри не може да го искористи неговиот полн потенцијал.