Победи, поени, голови – Манчестер Сити руши рекорди во Премиер лигата

Eкипата на Манчестер Сити која од клупата ја предводи Пеп Гвардиола игра сезона од соништата во Премиер лигата и апсолутно заслужено стигнаа до титулата.

„Граѓаните“ оваа сезона во Премиер лигата кога во прашање е борбата за титулата ја направија прилично неинтересна бидејќи практично на неколку месеци пред крајот на првенството освојувачот беше познат.

Во еден момент изгледаше дека можат сезоната да ја завршат без пораз, како и Арсенал на почетокот на овој век, но сепак тоа на крајот не се случи Сити загуби од Манчестер Јунајтед и Ливерпул.

Сепак, „граѓаните“ во вчерашната победа против Брајтон од 3:1 успеаа да срушат неколку рекорди во Премиер лигата.

Прво, тоа за овој тим беше 31 победа оваа сезона што е најмногу од кога постои Премиер лигата. Потоа, до овој момент освоија 97 бодови што е исто така најмногу, а го срушија и рекордот по бројот на постигнати голови во една сезона – 105.

Овие бројки тимот на Гвардиола ќе има прилика и дополнително да ги подобри во последното коло против Саутемптон кое на програмата е во недела.