Милан синоќа доживеа тежок пораз на гостувањето кај Челзи од 3:0 во Лигата на шампиони.
„Росонерите“не можеа да сметаат на неколку клучни играчи, но тренерот Стефано Пиоли вели дека тоа не е изговор за лошата игра.
Кој ќе тепа на Ел Класико!? ↓↓↓
„Отсуството на некои играчи не треба да биде изговор. Моравме подобро да реагираме при шансата на Круниќ. Не влеговме добро во натпреварот, се изгубивме и правевме грешки и во моментите кога Челзи не не притискаше. Кога правите такви грешки против толку добар противник работите се комплицираат“.
„Губевме топки и им дававме премногу простор на играчите на Челзи. Вториот гол на Челзи комплетно не парализираше и тоа не смее да се случи. Од поразите мораме да учиме“, изјави Пиоли.