Пиоли: Наполи е одличен во Серија А, но ова е ЛШ и Милан е Милан

Mилан и Наполи во италијанска пресметка ќе одлучуваат кој ќе оди во полуфиналето од Лигата на шампионите, ако се земе предвид актуелната форма, фаворит е тимот на Елмас, но не смее да се заборави историјата која ја има Милан во најелитното европско натпреварување.

Италијанските медиуми објавуваа дека во Неапол славеле кога го добиле Милан за противник. Новинарите тоа му го соопштија и на Пиоли во средбата по извлекувањето на парови.

„Во Напол се славело затоа што го добиле Милан за противник? Не знам ништо за такво нешто и не би коментирал, но секако дека ако тоа се случило не е добро. Јас никогаш не би славел пред да победам во натпреварите. Ќе видиме што ќе се случува на теренот, Наполи максимално го респектирам. Имаат одличен стратег и се неприкосновени во Серија, но ова Лига на шампионите, а Милан е Милан“, изјави Пиоли.

Интересно е што победникот од пресметката помеѓу Наполи и Милан ќе оди на во полуфинале против подобриот од средбата Интер – Бенфика. Во другиот дел од ждребот се Реал – Челси и Манчестер Сити – Баерн.