Барселона не успеа да ја победи Славија Прага во натпревар од 4-тото коло во Лигата на шампионите.
Каталонскиот тим во последно врме не воодушевува со својата игра, а после поразот во првенството избраниците на Валверде на домашен терен ремизираа со Славија (0:0).
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во таборот на Барселона очекувано владее загриженост после овој кикс.
„Оваа ситуација мораме да ја решиме што побрзо и тоа со мирна глава. Дакт е дека не играме онака како што сакаме, но се уште сме во добра позиција во првенството и Лигата на шампионите. Сеедно, мораме да се подобриме бидејќи со ваква игра тешко дека ќе ја освоиме Лигата на шампионите“, изјави Пике.
Дали новиот неуспех на Барселона значи и дека се тресе столчето на Валверде?
„Сетете се на 2015 година кога не водеше Луис Енрике. На отварањето на сезоната бевме прилично неубедливи, но на крајот освоивме тројна круна“, потсети искусниот дефанзивец.
Дополнителен проблем за Барселона во овој момент е тоа што Пике поради суспензија ќе го пропушти наредниот натпревар против Борусија Дортмунд.
Учество во игри на среќа е дозволено за лица со 18+ години. Играј одговорно!