Падна договорот, Фабињо стигнува во Атлетико

Според пишувањата на шпански „Ас“, Атлетико Мадрид го договори трансферот на фантастичниот фудбалер на Монако.

Бразилскиот интернационалец и репрезентативец, Фабињо се наоѓа на мета на многу клубови ширум Европа по фантастичните партии кои ги понуди во дресот на Монако.

Беше фантастичен оваа сезона, докажа дека се работи за фантастичен дефанзивен играч за врска и не е ниту чудно што многумина фрлија око на него.

Манчестер Јунајтед беше заинтересиран, но изгледа дека оваа битка ја доби Атлетико Мадрид.

Мадриѓаните договорија трансфер, кој судејќи по пишувањата на „Ас“ е вреден 45 милиони евра. Фабињо првиот дел од сезоната би го минал во Монако поради забраната на Атлетико за трансфери до јануари.

Исто така, и ПСЖ како што се наведуваше имал договор со овој фудбалер, но Монако не сакаше да го продаде на своите ривали во лигата.