Официјално: Икарди е играч на ПСЖ!

Пари Сен Жермен и конечно официјално го потврди трансферот на Мауро Икарди.

Долго Икарди одбиваше понуди, сакаше во Јувентус, а потоа инсистираше на останување иако Конте јасно му порача дека не е пожелен. На крајот во последниот ден од преодниот рок направи трансфер во ПСЖ.

Интер го испрати на позајмица до крајот на сезоната, останува да се види дали Аргентинецот и во иднина ќе го носи дресот на клубот од Париз.

ПСЖ ќе има право да го откупи неговиот договор за сума од 65 милиони евра.