Официјално: Дејан Илиев потпиша за Тренчин

Македонскиот репрезентативен голман Дејан Илиев и официјално е нов голман на словачки Тренчин.

Илиев после скоро една деценија го напушти Арсенал и кариерата ќе ја продолжи во Словачка. Тој потпиша 18-месечен договор со Тренчин.

Илиев важеше за голем талент и од Беласица се пресели во Арсенал. Тој беше дел од академијата на „топчиите“, но не забележа настап за сениорскиот тим.

Голманот беше испраќан на неколку позајмица, а откако го раскина договорот со Арсенал, се реши кариерата да ја продолжи во Тренчин.