Холандскиот фудбалер Весли Снајдер со успех го носеше дресот на Интер, но ги изненади сите кога во 2013. година одлучи да го напушти клубот и кариерата да ја продолжи во дресот на Галатасарај.
Тогаш Снајдер имаше 28 години и сигурно беше на врвот во својата кариера што беше уште една причина зошто токму тогаш избра да замине во Турција. Поранешниот играч на Реал Мадрид имаше многу понуди, а најголем интерес за него тогаш покажуваше Ливерпул.
Шанса да станеш YouTuber! Приклучи се! ↓↓↓
Снајдер денеска игра во Катар за Ал Гарафа, во која стигна на почетокот од оваа година од Ница, а во Галата помина четири добри години. Снајдер се присети на 2013. година кога го напушти Интер и одлучи конечно да објасни зошто пред Ливерпул ја избра Галатасарај.
„Многу клубови ме бараа кога одлучив да го напуштам Интер. Ливерпул покажа најголем интерес и знам дека луѓето беа шокирани кога ја избрав Галатасарај. Зошто Галата, а не Црвените? Во себе имам победнички менталитет и играм за титули. Отидов таму бидејќи знаев дека ќе освојам повеќе титули отколку во Ливерпул. После се видов дека добро постапив.“ – изјави Снајдер.
Холанганецот во Галата отиде за 7.5 милиони евра и веднаш освои титула првак на Турција. Ливерпул таа сезона беше на седмото место во Премиер лигата.
Учество во игри на среќа е дозволено за лица со 18+ години. Играј одговорно!