„Ниту Халанд, ниту Мбапе немаше да му помогнат на Милан како Ибра!“

Поранешниот фудбалер и директор на Милан, Звонимир Бобан за италијанските медиуми потврди дека помогнал во враќањето на Златан Ибрахимовиќ во тимот.

Ибра пристигна кога Милан беше на најниски гранки, а минатата сезона „росонерите“ завршија на второто место во Серија А и оваа сезона се конкуренти за Скудетото.

„На Бадник ми заѕвони телефонот и ми кажаа дека само што сме потпишале со Златан. Тој е одличен фудбалер и личност која ѝ помогна на екипата. Ниту Халанд, ниту Мбапе немаше да ни помогнат толку многу колку што успеа Ибра. Ќе му бидем благодарен засекогаш“, истакна Бобан.