Нејмар го чека подолга пауза: Ќе се вратам подобар и посилен

ПСЖ вчера го победи Сент Етјен со 3:1 во рамките од 15. коло во Лига 1, а во овој натпревар се повреди Нејмар кој ќе мора да паузира одреден период.

Бразилецот во 84. минута сакајќи да избегне старт од противнички играч незгодно доскокна и и го свитка зглобот. Уште веднаш беше јасно дека повредата не е наивна, со  болна гримаса на лицето Нејмар побара лекарска помнош и беше изнесен од теренот со носилки.

„Ќе се опоравам. За жал вакви работи се случуваат во животот на спортистите. Треба да ја подигнам главата и да продолжам напред. Ќе се вратам подобар и ипосилен“, порача Бразилецот по повредата.

Според првите најави на француските медиуми Нејмар го чека пауза од шест недели, а тоа значи дека ќе ги пропушти натпреварите со Ница, Монако, Брест, Ленс, Лориен, Лион и со Клуб Бриж во Лигата на шампионите.