Нестор: Постигнав победнички гол, се надевам дека ќе играм повеќе

Удинезе благодарение на голот на македонскиот напаѓач Илија Нестровски вчера го победи Торино со 3:2 со што стигна до третата победа во низа во Серија А.

Нестор вчера доби половина час, во игра влезе во 61. минута, а осум минути подоцна постигна гол.

„Навистина голема сатисфакција. Игравме одлично и тогаш набрзина примивме два глупави голови, добро е што покажавме карактер и се вративме брзо во водство. Лично кога тренирам секогаш го давам максимумот, сега постигнав победнички гол па се надевам дека во следните натпревари ќе игра повеќе. Удинезе е квалитетен тим кој игра добар фудбал. Знаеме што сакаме и ќе продолжиме да ги радуваме фановите“, изјави Нестор.