„Нероаѕурите“ одлични на припремите, Јоветиќ херој против Челзи! (Видео)

Екипата на Интер прикажува одлични настапи на подготвителните натпревари, сега беше совладан англиски Челзи со 2:1.

Херој во победата на Интер беше Стеван Јоветиќ кој беше стрелец на првиот погодок и асистираше при постигнувањето на вториот.

Иако Конте на терен го испрати можеби најсилниот состав, „сините“ не одиграа доволно убедливо. Единствено Конте не може да смета на повредените Азар, Педро и Бакајоко.

Алваро Мората кој пристигна од Реал Мадрид го започна натпреварот, а во нападот друштво му правеа Батшуаи и Вилијан. Шпанецот играта ја напушти во 65 минута од средбата.

Челзи до почесен погодок стигна во 74 минута од натпреварот кога Кондогбија ја погоди сопствената мрежа.