Неговата магија виза за иднина: На „Олд Трафорд“ пристигнува засилување од Бенфика

Манчестер Јунајтед веќе договори уште еден трансфер.

Новиот член на „Црвените ѓаволи“ е младиот Умаро Ембало, кој моментално е фудбалер на португалскиот великан Бенфика.

Англиските медиуми тврдат дека договорот е постигнат. Бенфика за талентираниот 16-годишен фудбалер ќе инкасира околу 5 милиони фунти, а договорот наскоро би требало да биде и официјализиран.

Ембало ги импресионирал скаутите на Јунајтед во средбите против нивниот помлад тим. Правел што сака и челниците на тимот од „Олд Трафорд“ одлучија да го ангажираат.

Иако е роден во Гвинеја Бисао, Ембало настапува за селекцијата на Португалија, а му се предвидува и фантастична и блескава кариера.