Невил искрен и лут: Ако веста за отказот на Мурињо е точна, тоа ќе биде срам за клубот (ВИДЕО)

„Дејли Мирор“ изминатата вечер на два часа пред полноќ излезе со сензационална вест дека Мурињо ќе биде сменет уште овој викенд без разлика на исходот на натпреварот против Њукасл.

По повод оваа вест „Скај Спорт“ вчера се вклучи во живо на полноќ и разговараше со легендарниот фудбалер на Манчестер Јунајтед Гери Невил кој испрати жестоки критики до управата на клубот.

„Лут сум затоа што Мојс пред три или четири години беше отпушен откако тоа прво им беше најавено на новинарите, слична беше ситуацијата и со Ван Гал. Сакам само да кажам како клубот функционира, ако оваа вест се покаже како точна и Мурињо замине на таков начин, мислам дека навивачите можат да се свртат против директорите. Сигурен сум дека Жозе на утрешниот (денес) натпревар ќе ја добие најголемата поддршка и јас ќе му јададам мојата. Мурињо е еден од најдобрите, но секој тренер ќе се мачи во Јунајтед. Го сакам овој клуб, ми даде се, сепак нешто мора да се промени. Навистина сум лут, вообичаено вакви вести англиските новинари не пласираат ако не се сигурни. Можам само да се надевам дека се работи за шпекулација, ако се покаже како точно тоа ќе биде срам за клубот“, бесно и искрено порача Невил.

Mанчестер Јунајтед денес со почеток од 18:30 часот го игра натпреварот против Њукасл.

WATCH: NEVILLE'S FURY @GNev2 gives a furious reaction to reports that Jose Mourinho will be sacked this weekend: https://t.co/xRSQBtbj4u pic.twitter.com/KXcv6p6JoJ

— Sky Sports Premier League (@SkySportsPL) October 5, 2018