НАЈАВА Интер – Тотенхем: Како ќе се снајдат „петлите“ во градот на модата?

Интер и Тотенхем ќе го одиграат еден од најинтересните натпревари од првото коло во Лигата на Шампиони. Интер се враќа во елитата по пауза од седум години и сака да докаже дека местото му е таму. Тотенхем пак, сака успесите од Премиер Лигата конечно да ги преточи во Европа.

Традицијата вели дека ќе следиме ефикасен меч

Интер ќе игра во Лигата на шампионите за прв пат во седум години. Сезоната пред таа долгогодишна пауза од европската елита, овие два тима играа меѓусебе. Тотенхем победи дома, а Интер во Италија, но двата меча ги одбележаа многуте голови, 3:1 и 4:3.

Тогаш дуелот на Џузепе Меаца го одбележа Герет Бејл кој постигна хет-трик, а големите љубители на фудбалот сигурно ги паметат тие прекрасни голови. Веројатно тие голови се паметат многу повеќе, од фактот дека Интер водеше на тој меч со 3:0 уште по 14 минути игра.

Но главни во Интер таа ноќ беа Хавиер Занети, Самуел Ето и Дејан Станковиќ, фудбалери кои ја освоија Лигата на шампионите под водство на Жозе Мурињо во 2010 година. Сега Интер е многу послаб од тогаш, додека Тотенхем е речиси на истото ниво.

Интер во лоша форма

Интер конечно ќе игра во елитата и тоа сосема заслужено, откако минатата сезона во Серија А завршија на 4-то место. Имаа ист број на бодови со Лацио но беа подобри во меѓусебниот дуел откако во последното коло славеа на гости со 2:3. Сепак, сезонава оваа екипа и покрај многуте засилувања не тргна според очекувањата. Досега забележаа само една победа, едно реми и два порази и тоа против просечни, па и слаби екипи. Особено загрижувачки е поразот од овој викенд, кога Интер доживеа шок од Парма на домашен терен губејќи со 0:1.

Новите засилувања се уште се навикнуваат на Интер

Наиголан и Кеита Балде сеуште се пронаоѓаат во својата нова средина. Де Вриј е добар, но не како минатата сезона во Лацио. Икарди сеуште нема постигнато гол сезонава, па според сето ова јасно е дека Спалети ќе има големи проблеми и на овој меч против Тотенхем. Многу надежи се насочуваат кон Перишиќ и Кандрева, но тие двајца без подршка од соиграчите тешко дека ќе можат да направат нешто повеќе во Лигата на Шампиони.

По две години Тотенхем врза два порази по ред во Премиер Лигата

Откако ја стартуваа сезоната со три победи, истакната и со триумфот од 0:3 во Манчестер Јунајтед, Тотенхем се упати кон Италија по два порази од Ватфорд и Ливерпул.

За прв пат од последните две натпреварувачки сезони, фудбалерите на Маурисио Покетино загубија на два меча по ред од Премиер лигата .

Ако поразот во Ватфорд се сметаше за еден удар и лош ден, домашниот пораз од Ливерпул изминатиот викенд укажа на некои длабоки пропусти во тимот. Резултатот на крајот испадна и добар бидејќи црвените можеа да победат со далеку поголема разлика.

Покетино со дополнителни проблеми

Покетино има и дополнителни проблеми. Хуго Лорис нема да настапи на овој меч, а без него Тотенхем игра многу поразлични во одбраната. Се чувствува и дека Хари Кејн не игра на најдобар начин. Деле Али, исто така може да го пропушти овој меч поради повреда. И да настапи Али во Италија, тешко дека ќе може да го даде најдоброто од себе.

Сепак, Тотенхем загуби само еден од осумте натпревари во Лигата на шампионите минатата сезона. Има доволно искуство во оваа екипа за да се победи во Италија, но дали тие се во вистинската форма да го сторат тоа е друго прашање.

Целосниот текст прочитајте го на специјализираниот портал kladenje.mk